Sorphirða

 

 

Breytingar byggja á lögum um meðhöndlum úrgangs sem samþykkt voru á Alþingi í júlí 2021 og kveða á um að skylt verður að safna við öll heimili lífrænum eldhúsúrgangi, plasti, og pappír og pappa. Þetta er stórt framfaraskref í umhverfis- og loftslagsmálum en stærsta breytingin er að heilimili munu fá tunnu fyrir matarleifar ásamt tunnum fyrir pappír og plast. 

Uppfært Sorphirðudagatal 2023. Frá og með 1.október 2023

Sorphirðudagatal 2024 - frá 1. janúar 2024 (almennt, lífrænt, pappír og plast)

Allar nánari upplýsingar má nálgast á vefnum www.flokkum.is og Garðabær mun eiga í góðu samtali við íbúa um breytingarnar. 

Á hverju heimili verður fjórum úrgangsflokkum safnað:

• Matarleifar
• Pappír og pappi
• Plastumbúðir
• Blandaður úrgangur

 

 

Tunnum hefur nú verið skipt út og var reynt eftir fremsta megni að fjölga tunnum sem minnst. Fjölgun tunna við sérbýli getur þó kallað á breytingar á sorpgeymslu eða lóð. 

Sumarið 2023 fengu öll sérbýli og fjölbýli afhentar nýjar tunnur. Almennt má búast við þremur tunnum við hvert heimili, ein fyrir plast, önnur fyrir pappír og sú þriðja er tvískipt fyrir matarleyfar og blandaðan úrgang. 

Mismunandi fyrirkomulag verður við fjölbýli og fer útfærsla eftir aðstæðum hverju sinni.

Nýjar tunnur

Á myndinni hér til hliðar má sjá hvernig tunnurnar eru, það er tvískiptar.

• Til vinstri fer lífrænn úrgangur og til hægri almennt sorp.
• Tunnan er með tvöföldu loki. 

Tvískiptar tunnur fyrir plast og pappír

Viljir þú fá tvískipta tunnu fyrir plast og pappír getur þú sótt um slíkt hér á þjónustuvef Garðabæjar.

Vinsamlegast athugið að samþykkja þarf skilmála til að fá tvískipta tunnu fyrir plast og pappír.

Rúmist úrgangurinn ekki í tunnunni eða hafi honum verið þjappað í tunnuna þannig að hann falli ekki úr henni við losun verður úrgangurinn skilinn eftir og umsækjandi þarf þá sjálfur að koma honum á næstu endurvinnslustöð.

• Stærð tunnu er 240 lítra. 
• Tunnunni er skipt upp í hlutfallinu 60/40.
•  Minna minna hólfið er 96 lítrar (plast) og stærra hólfið 144 lítrar (pappír og pappi). 

Körfur fyrir matarleifar

Undir matarleifar (fyrir lífrænan úrgang) inní eldhúsi fá heimilin körfu og bréfpoka. Þessar körfur verða afhentar á sama tíma og nýjar tunnur og pokarnir fyrir körfurnar vera afhentir á sama tíma. Pokarnir hafa gefist mjög vel á Norðurlöndunum og skipta lykilmáli til að hægt sé að vinna nothæfa moltu úr matarleifunum með pokunum fá íbúar körfu til að safna matarleifum inn á heimilum. En karfan tryggir að það lofti um pokann sem kemur í veg fyrir mögulegan leka.

Karfan er hönnuð með það í huga að að bréfpokinn liggi ekki upp við plastið í körfunni nema að litlu leyti. Það lofti um hann og þannig haldist hann þurr. Ekki er meiri lykt af þessu en verið hefur þar sem matarleifar hafa farið með blönduðum úrgangi. Ekki á að setja of mikið í pokann og alls ekki upp fyrir punktalínu á pokanum.Gott er að skilja vökva frá matarleifum. Ef matarleifarnar eru blautar má setja eldhúsbréf undir þær til að þurrka upp raka.

• Allar matarleifar t.d: kjöt, fiskur, bein, brauð, kex, sælgæti, grænmeti, ávextir og kaffikorgur skulu flokkaðar í bréfpokann.
•  Ekki má nota plast- eða maíspoka í körfuna þar sem þeir brotna ekki niður.

Hvað þarf ég að flokka?

Matarleifar :  í tunnuna fer meðal annars:

• Eggjaskurn
• Matarleifar með beini
• Kaffikorgur
• Fiskiúrgangur

• Athugið að við sérbýli verður tunnan tvískipt með blönduðum úrgangi. 

Blandaður úrgangur: í tunnuna fer meðal annars:

• Dömubindi
• Blautklútar
• Bleyjur
• Ryksugupokar
• Athugið að við sérbýli verður tunnan tvískipt með lífrænum úrgangi.

Plastumbúðir: í tunnuna fer meðal annars:

• Snakkpokar
• Plastfilma
• Plastpokar
• Sjampóbrúsar

Pappír og pappi: í tunnuna fer meðal annars:

• Dagblöð
• Bréfpokar
• Pítsakassar
• Pappírsumbúðir

Allar nánari upplýsingar um flokkun má nálgast á vefnum www.flokkum.is

Sorphirðudagatal - hvenær er sorp hirt í einstaka götum?

Uppfært Sorphirðudagatal 2023. Frá og með 1. október 2023.

Sorphirðudagatal 2024 - frá 1. janúar 2024 (almennt, lífrænt, pappír og plast)

Líta skal á sorphirðudagatalið sem viðmiðunardagatal. Veðurfar, veikindi, bilanir og aðrir ófyrirséðir þættir geta haft áhrif.

Í undantekningartilfellum er mögulegt að fá auka tunnu en sorphirðugjald verður væntanlega í framtíðinni innheimt í samræmi við fjölda íláta.  Í nýjum húsum þar sem ekki hefur verið sorphirða áður þurfa eigendur að hringja í þjónustuver Garðabæjar í síma 525 8500 til að panta sorptunnur/gáma. Ekki er kostnaður við þær heldur eru tunnurnar innifaldar í sorphirðugjaldi sem er hluti af fasteignagjöldum.

Æskilegast er að staðsetja sorpílát í innbyggðum sorpgeymslum, en að öðrum kosti er nauðsynlegt að festa þau tryggilega, þó þannig að auðvelt sé fyrir sorphirðumenn að nálgast þau. Helst skal koma sorpílátum fyrir götumegin við hús og þannig, að leiðin að þeim sé greið og auðvelt sé að aka þeim að götu. Á vetrum ber húseigendum að hreinsa snjó frá sorpgeymslum og þeirri leið sem flytja þarf sorpílát um innan lóðar.

Íslenska gámafélagið s. 577 5757 , sér um sorphirðu í Garðabæ samkvæmt samningi við bæinn.

Upplýsingar um sorphirðu veitir:

Þjónustuver Garðabæjar, s. 525 8500  

Gjaldskrá sorphirðu er aðgengileg hér.

Sjá upplýsingar um Þjónustumiðstöð Garðabæjar.

Grenndargámar

Settar hafa verið upp nýjar grenndarstöðvar þar sem gámarnir verða útbúnir snjallskynjurum sem tryggja tímanlega losun og eiga að fyrirbyggja fulla gáma.

Litlar grenndarstöðvar í Garðabæ munu taka á móti gleri, málmumbúðum og skilagjaldskyldum flöskum og dósum.

• Holtsvegur 49
• Sjálandsskóli
• Álftanes - Suðurnes við golfvöll​

Stórar grenndarstöðvar munu taka á móti gleri, málmumbúðum og skilagjaldsskyldum flöskum og dósum, auk plastumbúða og pappír og pappa.

• Skólabraut 5
• Ásgarður
• Holtsvegur 21
• Álftanes - Norðurnes við spennistöð
  
  

  ​Nánari upplýsingar um hvaða grenndarstöð er næst þér má sjá á www.sorpa.is

  Ef þú vilt koma á framfæri ábendingu varðandi grenndarstöðina þína hafðu þá samband við okkur í gegnum ábendingarvef Garðabæjar!